Nog geen rus vir brandweermanne
2010-02-09 14:24
Kaapstad – Geen einde is nog in sig vir brandweermanne wat huidiglik sukkel om veldbrande in die Franschhoekvallei te blus nie, het amptenare gesê.
“Die brande woed nog en ons het tans ses spanne op die grond wat daarteen veg,” het Michelle Kleinhans, die nasionale koördineerder van Working on Fire (WoF) Dinsdag aan Nuus24 gesê.
Kleinhans het bygevoeg dat die weer slegter was as Maandag.
Eyewitness News het Maandag berig dat minstens 5 000 ha se plantegroei vernietig is.
Brande in Suid-Kaap onder beheer
Amptenare het wel gesê dat brande in die Eden-distrik munisipaliteit onder beheer is.
“Ons het helikopters wat die omgewing monitor,” het Annelize Lamprecht van die WoF gesê.
“Ons het ook grondhulp van die Vrystaat en KwaZulu-Natal ontvang.”
Sy het bygeboeg dat alhoewel meeste van die brande onder beheer is, het hulle steeds baie mense om te verseker dat dit veilig is.
“Die wind sal sterker raak deur die dag, maar ons is seker dat ons dit onder beheer het,” het sy gesê.
- Was jy op die toneel? Stuur jou foto's of storie vir ons.
–Nuus24