Nog geen klagtes teen Malema

2010-04-20 14:17

Johannesburg – Klagtes teen die omstrede leier van die ANC-jeugliga (ANCYL), Julius Malema, is nog nie geformuleer nie, het Thandi Modise, die ANC se sekretaris-generaal, Dinsdag gesê.

Tydens ‘n perskonferensie in Johannesburg het sy gesê “die saak is onder bespreking” en dat die ANC intern daarna sal kyk.

‘n Dissiplinêre komitee sal ondersoek instel en besluit of Malema intern vervolg sal word en indien wel, watter klagtes teen hom aanhangig gemaak sal word.

Times Live het Dinsdagoggend berig dat interne bronne van die ANC van mening is dat Malema nie vervolg sal word  nie.

Dit kom nadat verteenwoordigers van die ANCYL en leiers van die ANC Maandag vergader het.

Volgens Modise hoef  interne kwessies oor dissipline binne die ANC “nie deur die publiek en media betrag te word nie”.

“Die verhouding tussen die ANC en die ANCYL is nie soos dit in die media uitgebeeld word nie,” het Modise gesê.

- Sapa