Nóg 3 vas vir stropings in Noordwes

2012-11-23 13:15

Johannesburg – Drie mans is in hegtenis geneem in verband met renosterstropery in die Noordwes, het die Valke gesê.

Kapt. Paul Ramaloko sê die mans in in Pretoria, Katlehong en Alberton vasgetrek.

Hy sê die polisie het op drie jaggewere beslag gelê.

“Die mans is vermoedelik deel van ‘n sindikaat en daar is steeds ander mense betrokke...”

Die mans – tussen die ouderdomme van 36 en 58 – sal binnekort in die Brits-landdroshof verskyn.

Die verdagtes word betrek by ‘n trio wat vroeër die week in hegtenis geneem is nadat hulle agt renosters op ‘n plaas naby Brits gestroop het. Een van hulle was ‘n veldwagter.

Ramaloko sê minstens 21 renosters is vandeesmaand in die Noordwes van kant gemaak.

Volg Nuus24 op Twitter  

- SAPA