Nkandla-debakel kring uit

2012-12-02 07:09

Johannesburg – Belastingbetalers het na bewering opgedok vir opknappingswerk aan die huise van pres. Zuma se twee broers, het die Sunday Times berig.

Voorraad van die elektronika-maatskappy Voltex is glo by die huise van Michael en Joseph Zuma afgelaai, het die koerant berig.

Die inligting is onthul in hofdokumente wat deur Voltex by die hooggeregshof in Durban ingedien is.

Voltex het hom tot die hof gewend om R545 249 te verhaal wat die boukontrakteur Pamela Mfeka hom glo skuld. Sy het na bewering kontrakte van R47,6 miljoen losgeslaan vir bouwerk by Nkandla.

Mfeka het volgens die hofdokumente nie betaal vir elektriese kabels en ander goedere wat by Zuma en sy broers se huise afgelewer is nie.

Michael het ontken dat enige werk aan sy eie of sy broer Joseph se huis gedoen is.

"Daar is geen projek hier nie," het hy aan die koerant gesê.

– Volg Nuus24 op Twitter.

- SAPA