Niemand nog vas oor skietery by Harmony

2012-11-23 11:15

Johannesburg – Die polisie in Gauteng is steeds op die spoor van die moordenaars van twee mynwerkers by Harmony se  Kusasalethu-myn naby Carletonville.

"Niemand is in hegtenis geneem nie en die situasie is kalm," het lt.kol. Katlego Mogale gesê.

Twee mense is dood en een is gewond.

 Sithembile Nqulo, 'n mynwerker, het Donderdag gesê die skietery is veroorsaak deur 'n twis tussen die Association of Mineworkers and Construction Union (Amcu) en die National Union of Mineworkers (NUM).

"Amcu-lede was op pad na hul weeklikse vergaderings toe 'n groepie Num-lede hulle roep en sê hulle moet by dié vakbond aansluit. Daarna het ons skote gehoor."
   
– Volg Nuus24 op Twitter

- SAPA