New Age skep 'wyl presidensie se rande reën

2013-02-01 08:01

Kaapstad – Die presidensie se besteding aan advertensies in die koerant The New Age (TNA) het die afgelope twee jaar skerp gestyg, het Volksblad Vrydag berig.

Die besteding aan advertensies in dié koerant het toegeneem van 0,6% tot 15,9% van die departement se totale bemarkingsbegroting.

Die presidensie het volgens Volksblad in die 2010-’11-boekjaar advertensies van R122 700 by TNA gekoop. Dié syfer het egter verlede jaar gestyg tot R8,8 miljoen.

Harold Maloka, regeringswoordvoerder, het intussen verduidelik dat daar twee maatstawwe is wat gebruik word om te bepaal hoeveel geld die regering aan advertensies in TNA uitgee.

“Eerstens kyk ons na hul drukoplaag. TNA druk tussen 100 000 en 120 000 koerante. Tweedens oorweeg ons die regeringsbeleid om groter diversiteit in die media te skep.”

– Lees hier meer.

– Volg Nuus24 op Twitter.

- SAPA