Net wit skuld vir Land Bank?
2009-12-15 15:09
Kaapstad - Dit blyk dat die Land Bank ’n moratorium ingestel het op die invordering van opkomende boere se agterstallige skuld, sê Solidariteit. In ’n mediaverklaring sê die vakbond wit boere “moet nou opdok”, maar dat “voorheen benadeelde boere vir eers buite die bank se teiken vir die invordering van agterstallige paaiemente val”.
Solidariteit sê die Land Bank het vroeër vandeesmaand aan hom erken dat hy as deel van sy omkeerstrategie meer fokus op die invordering van swak presterende lenings wil plaas, maar dat die Regering ’n stokkie hiervoor gesteek het.
“Die Departement van Landbou, Bosbou en Visserye en van Landelike Ontwikkeling en Grondhervorming asook die portefeuljekomitee vir landbou het egter ’n stokkie voor die Land Bank se planne gesteek en beklemtoon dat dié benadering teenstrydig is met die Regering se strategie vir toegang tot grond vir voorheen benadeeldes is,” sê
Dirk Herman van Solidariteit.
Besoek landbou.com vir die volledige berig.