Negejarige wreed aangerand, verkrag
2010-10-28 12:50
Kaapstad – ‘n Negejarige meisie veg vir haar lewe in ‘n hospitaal in Kaapstad nadat sy wreed verkrag, geslaan en gebrand is, het Iol Donderdag berig.
Nadat sy dit reggekry het om van haar aanvaller te ontsnap, is sy deur ‘n motor raakgery.
Die polisie in Darling is op soek na Stephen “Fox” Isaacs (40), ‘n vermeende verkragter wat tans uit is op parool.
Isaacs is ses maande gelede op parool vrygelaat en het by die slagoffer se groot tante gewoon.
Polisie wil Issacs ondervra oor die aanval waarin die meisie oor die kop en gesig geslaan, verwurg, met sigarette gebrand en aan haar arms die bosse in gesleep is op Evita Bezuidenhout Boulevard.
Sy is in ‘n kritieke toestand in die Tygerberg Hospitaal.
Lees die volle storie by iol
Volg Nuus24 op Twitter