Negejarige verkrag, vermoor
2010-08-28 01:30
Kaapstad - ‘n Negejarige meisie is verkrag, vermoor en haar lyk in ‘n veld in Alberton begrawe, het polisie Vrydag gesê.
Die meisie is glo verkrag en toe met ‘n byl doodgekap.
“Die dogtertjie se ouers het haar Donderdag as vermis aangemeld. Haar lyk is in ‘n gat gevind,” het kapt. Manaka Raphulu gesê.
‘n Verdagte, 36, is in hegtenis geneem nadat polisie inligting oor die saak ontvang het.
Volgens Raphulu het die meisie se ouers haar Donderdagmiddag laas gesien toe sy winkel toe gestap het.
“Daar word vermoed dat die man haar ontvoer het en na sy huis toe geneem het waar hy haar verkrag en vermoor het,” het Raphulu gesê.
Volg Nuus24 op Twitter
- SAPA