Negejarige kritiek ná sportnutsvoertuig hom tref
2011-06-18 20:02
Johannesburg - 'n Negejarige seun is in 'n kritieke toestand ná hy Saterdag in Bryanston, Johannesburg deur 'n sportnutsvoertuig raakgery is, het Johannesburgse paramedici gesê.
Volgens Jeff Wicks, woordvoerder vir Netcare 911, is die seun op William Nichol-rylaan in Bryanston naby die kruising met Republiekweg raakgery terwyl hy die besige pad saam met sy sokkerafrigter oorgesteek het.
Hy het ernstige kop- en borsbeserings opgedoen.
Die kind is na die Charlotte Maxeke- akademiese hospitaal geneem.
Die voertuig se insittendes is nie in die voorval beseer nie.
Verkeer op William Nichol-rylaan het opgehoop terwyl paramedici die seun behandel het.
– Volg Nuus24 op Twitter.
- SAPA