Nassif se getuienis vol leuens
2010-07-29 18:31
Johannesburg - Regsverteenwoordigers van die dwelmhandelaar Glenn Agliotti, het Donderdag die gate in die getuienis van die staat se sesde getuie, Clinton Nassif, Brett Kebble se voormalige veiligheidskonsultant, uitgewys.
Adv. Laurence Hodes, Agliotti se regsverteenwoordiger, het uitgewys dat bewyse in Nassif se verklaring aan die Skerpioene, teenstrydig is met die getuienis wat hy Donderdag in die hof gelewer het.
Agliotti word verhoor vir Kebble se moord in 2005 en vir sameswering om Kebble en drie ander mans te vermoor.
Nassif se getuienis het Agliotti aan die Kebble-moord en die skietery van die voormalige Allan Gray-ouditeur, Stephen Mildenhall, wat in die pad gestaan het toe Kebble lenings vir sy mynmaatskappye wou kry, verbind.
Hodes het aan Nassif gesê hy het Agliotti uit sy verklaring aan die Skerpioene uitgelaat en dat dit teenstrydig is met dit wat hy in die hof gesê het.
Hy het Nassif ondervra oor "dienste", wat die versameling van intelligensie, bewaking en selfs om mense te inkrimineer.
Een van die voorvalle was waar Nassif kinderpornografie op die rekenaar van 'n Kebble-werkenemer geplaas het.
Hodes het aan Nassif gesê hy kwalifiseer nie as 'n art. 204-getuie nie, en het die aantal leuens aan hom uitgewys.
Volgens art. 204 van die Strafproseswet kan 'n getuie vrywaring van vervolging kry as hy vir die staat getuig en sy getuienes as eerlik geag word.
Hodes se kruisondervraging van Nassif duur Vrydag voort.
Volg Nuus24 op Twitter
- SAPA