Nagklub-moordverdagte kry borgtog

2012-03-27 13:08

Kaapstad – Een van die vier mans wat daarvan beskuldig word dat hulle Bruno Bronn, eienaar van die nagklub Bronx, vermoor het, is op borgtog vrygelaat. 

Fareez Allie (29) is Dinsdag in die Kaapstadse streekhof op borgtog van R5 000 vrygelaat.

Een van sy medebeskuldigdes, Kurt Erispe (35), is tydens ‘n vorige verhoor borgtog toegestaan.

Die ander twee beskuldigdes, John Frederick Coetzee (36) en Achmat Toffa (35), het hul aansoeke om borgtog laat vaar.

Bronn se lyk is op 7 Februarie in sy huis in Groenpunt, Kaapstad, gevind.

Landdros Jasthree Steyn sê Allie is borgtog toegestaan aangesien daar geen bewyse is wat hom by die moordtoneel plaas nie.

Allie ontken enige aandeel aan die moord en wil onskuldig pleit.

In dié stadium is die saak teen hom redelik swak.

Die saak is tot 26 April uitgestel.

Volg Nuus24 op Twitter

- SAPA