NW-casino beroof, vyf vas
2010-04-16 18:48
Johannesburg – Vyf mans is Vrydag in hegtenis geneem nadat hulle personeel en klante by die Rio Hotel-casino in Klerksdorp met vuurwapens aangehou het, het die Noordwes-polisie gesê.
“Ons het reeds vyf van die mans vasgetrek,” het kapt. Paul Ramaloko, polisiewoordvoerder, gesê.
Volgens Julie van Wyk, die casino se woordvoerder, is niemand beseer tydens Donderdagaand se rooftog nie. Die verdagtes het wel met ‘n onbepaalde bedrag geld op die vlug geslaan.
In KwaZulu-Natal is ‘n 52-jarige man gewond tydens ‘n beweerde rooftog buite die Golden Horse-casino in Pietermaritzburg.
“Die man is verskeie kere geskiet en die rowers het ‘n onbepaalde bedrag geld van hom geneem,” het Derrick Bank, ER24-woordvoerder, gesê.
Die voorval word deur die polisie ondersoek.
- Sapa