NUM-voorsitter kritiek beseer in aanval

2012-09-30 14:51

Johannesburg – Die voorsitter van die National Union of Mineworkers se Anglo Platinum Khomanani-tak is kritiek beseer ná ‘n aanval by sy huis in Rustenburg, het die National Union of Mineworkers (NUM) Sondag gesê.

Volgens Lesiba Seshoka, woordvoerder van Num, is ‘n petrolbom glo Vrydagaand na die voorsitter se huis gegooi.

Sy naam mag nie bekend gemaak word voordat sy familie van die voorval in kennis gestel is nie.

“Hy het ernstige beserings opgedoen en is in die intensiewe sorgeenheid van ‘n plaaslike hospitaal opgeneem,” het Seshoka gesê.

Volgens die NUM volg die aanval ná ‘n rits dreigemente en intimidasie van sy lede by die platinummyn.

Polisiebeamptes kon nie die aanval onmiddelik bevestig nie.

– Volg Nuus24 op Twitter


 

- SAPA