NUM onderhandelings op dreef
2009-07-13 10:30
Die National Union of Mineworkers (NUM) is besig met 'n peiling waarin hulle hul lede se gevoel oor 'n nuwe salarisaanbod toets.
Dit kan moontlik die stakings in die boubedryf tot 'n einde bring, het mnr. Lesiba Seshoka, woordvoerder van NUM, Maandag gesê.
"Hulle is tevrede met sommige aspekte, maar bekommerd oor ander," het Seshoka gesê.
"Daar is baie gemengde gevoelens onder ons lede en die meerderheid (van die werkers se menings) sal vandag in wees."
Die partye was geskeduleer om Dinsdag by die Kommissie van Konsiliasie, Mediasie en Arbitrasie (CCMA) bymekaar te kom vir verdere gesprekke.
Die staking, wat verlede Woensdag begin het, het grootskaalse bouprojekte dwarsdeur Suid-Afrika, insluitend 2010-stadions, gepootjie.
Die unies dring aan op 'n 13% salaris, terwyl hul werkgewers bereid is om 11.5% te gee.
- Sapa