Myne bedreig landbou steeds
2010-01-26 14:21
Alani Janeke
Johannesburg - Die Demokratiese Alliansie (DA) meen die uitreiking van mynlisensies op plase in veral die Hoëveld-gebied in Mpumalanga bedreig die voortbestaan van die landbou asook produktiwiteit.
Lourie Bosman, die DA se verteenwoordiger vir die landbou, sê hy is bewus van sowat 300 lisensies vir bogrondse myne wat tans oorweeg word.
“Die meeste bedrywighede vind in die omgewing van Carolina, Badplaas en Ermelo plaas,” het hy gesê.
Bosman sê derduisende lisensies is die afgelope paar jaar aan mynmaatskappye uitgereik sonder dat die boere op wie se grond die myne opgerig moet word in die proses geken is.
“Die Departement van Mynwese heg geen waarde aan die landbou nie en ken lisensies toe bloot op grond van omgewingsimpakstudies. Daar bestaan nie ‘n balans tussen mynbou en die landbou nie.”
Lees meer op landbou.com.