Myn wil 8 000 werkers trekpas gee

2012-10-08 10:25

Johannesburg – Leiers van Cosatu en die mynwerkersvakbond Num gaan na verwagting vandeesweek mynwerkers by die platinum-myn Swartklip Union by Northam in Limpopo toespreek oor die bestuur se planne om 8 000 werkers, wat aan 'n onbeskermde staking deelneem, af te dank.

RSG berig Solly Phetoe, ‘n woordvoerder vir Cosatu, sê die vakverbond gaan die werkers se eis van 'n basiese salaris van R12 500 en bestuur se planne om afdankingsbriewe op werkers te bedien, met hul lede bespreek.

Hy sê die vakverbond het bestuur versoek om nie voort te gaan met die afdankings nie, omdat dit nie die probleme oplos nie.

Volg Nuus24 op Twitter