Myn-geweld eis nóg 'n lewe

2012-11-13 12:32

Johannesburg – Die lyk van ‘n Mosambiekse mynwerker is in ‘n veld by Anglo American Platinum (Amplats) se Amandelbult-myn gevind nadat ‘n aantal ander myners aangeval is, het die polisie in Limpopo gesê.

“Hulle is ná werk oorval en met klippe aangeval,” het lt.kol. Ronel Otto gesê.

Die 56-jarige man se lyk is in die veld naby ‘n myn-hostel gevind.

Otto sê die ander mense wat aangeval is, is nie ernstig beseer nie.

Polisiebeamptes het vasgestel dat die oorledene nie ‘n stakende mynwerker was nie.

Altesaam 22 mense is in ‘n aparte voorval by die platinum-myn in hegtenis geneem, nadat ‘n botsing tussen stakende mynwerkers, polisiebeamptes en veiligheidswagte uitgebreek het.

Otto sê addisionele polisiebeamptes is in die gebied naby Thabazimbi ontplooi.

Volg Nuus24 op Twitter

- SAPA