Mthethwa: Polisiesterftes steeds hoog
2011-09-08 13:29
Kaapstad – Nathi Mthethwa, minister van polisie, het gesê die SAPD is bekommerd oor die aantal polisiebeamptes wat aan diens sterf.
Hy het dié uitlating Donderdag gemaak terwyl hy die misdaadsyfers vir 2010/2011 bekendgemaak het.
Altesaam 110 polisiebeamptes in in die 2009/2010- finansiële jaar dood, terwyl 94 polisiebeamptes in die 2010/2011- finansiële jaar dood is.
"Die helde was vreesloos. Hulle het geweet dat hulle 'n plig teenoor die samelewing gehad het en hulle doel was om misdaad te beveg," het Mthethwa gesê.
"Ons is bekommerd oor die toename in aanvalle en moorde op ons beamptes sedert die begin van die jaar, maar ons is vol vertroue dat ons die hartelose misdadigers sal wen."
Mthethwa het gesê om op te staan teen misdaad en sy euwels is die beste manier om dié helde te herdenk "wat die land se welstand bo dié van hul eie gestel het."
– Volg Nuus24 op Twitter
- Nuus24