Motorfietsryer sterf op N1
2011-11-26 18:29
Paarl – 'n Motorfietsryer is dood en 'n ander is beseer ná hulle motorfietse Saterdag op die N1 naby Paarl teen 'n motor gebots het, het paramedici gesê.
Volgens Andre Visser, woordvoerder vir ER24, het die ongeluk omstreeks 15:30 plaasgevind.
Teen die tyd wat paramedici op die toneel verskyn het, het een van die motorfietsryers nie 'n pols gehad nie. Hulle het gepoog om hom weer by te bring, maar hy is op die toneel dood verklaar.
Visser sê die ander motorfietsryer is behandel vir 'n gebreekte been en na die Paarl Mediclinic geneem.
Daar was twee passassiers in die motor. Beide is op die toneel behandel en daarna na 'n nabygeleë hospitaal geneem.
Die polisie ondersoek die oorsaak van die ongeluk.
– Volg Nuus24 op Twitter.
- SAPA