'Motlanthe vir president' – ANCYL

2012-10-04 08:30

Johannesburg – Adj.pres. Kgalema Motlanthe is die ANCYL se keuse vir die posisie van die regerende party se leier, het die jeugliga gesê.

Khusela Sangoni-Khawe, woordvoerder vir die ANC se jeugliga, het in ‘n verklaring gesê die ANCYL sal Motlanthe by die ANC se verkiesingskongres in Mangaung in Desember vir hierdie amp benoem.

Die jeugliga het ‘n beroep gedoen op die ANC se takke om te verseker dat “bevoegde kamerade” verkies word.

Die ANCYL se kandidaat vir die regerende party se sekretarisgeneraal is Fikile Mbalula. Hy is die huidige minister van sport en was voorheen die leier van die jeugliga.

Sangoni-Khawe het bygevoeg dat Mathews Phosa, tesourier-generaal van die regerende party, of Tokyo Sexwale, minister van behuising, die adjunk-president van die party moet wees. Sexwale sal ook vir die tesourier-generaal benoem word.

Volg Nuus24 op Twitter  

- SAPA