'Motlanthe gaan nêrens'

2012-12-19 08:29

Bloemfontein – Berigte dat adj.pres. Kgalema Motlanthe die regering onmiddellik gaan verlaat, is onwaar, het Thabo Masebe, Motlanthe se woordvoerder, gesê.

"Ek is nie bewus hiervan nie, hy het niks aan my gesê nie," het Masebe Woensdag aan Sapa gesê.

"Die twiets is gerugte en hy bly die adjunkpresident van die land."

Jacaranda FM het Dinsdagaand op die sosiale netwerk Twitter gesê daar is gerugte dat Motlanthe onmiddellik gaan uittree.

Motlanthe het die stryd om die ANC presidentskap teen president Jacob Zuma verloor en 'n benoeming as lid van die nasionale uitvoerende komitee van die hand gewys.

Die sakeman Cyril Ramaphosa is as adjunkpresident aangewys.

– Volg Nuus24 op Twitter

- SAPA