Motlanthe aanvaar amptelik benoeming
2012-12-13 13:42
Johannesburg – Adj.pres. Kgalema Motlanthe se woordvoerder het bevestig dat die politikus ‘n benoeming om die ANC te lei, aanvaar het.
Motlanthe se woordvoerder, Thabo Masebe, het vroeër geweier om kommentaar te lewer op mediaberigte dat die adjunk-president sy benoeming aanvaar het, en die naweek by die ANC se verkiesingskongres teen pres. Jacob Zuma te staan sal kom.
Die proses om leiers vir die ANC se verkiesingskongres te benoem, is nog nie afgehandel nie, het die party se verkiesingskommissie gesê.
“Ons sal kandidate so veel tyd moontlik gee om hul opsies te oorweeg,” het Tshilidzi Ratshitanga, lid van die kommissie, aan verslaggewers gesê.
“Hierdie is ‘n dinamiese proses om die ANC te verkies... Ons kan regtig nie met hierdie proses jaag nie...”
Talle mediabronne het vroeër berig die benoemings sou vandag by ‘n mediakonferensie bekendgemaak word.
Intussen het Zwelinzima Vavi, sekretaris-generaal van Cosatu, gesê die regerende party se verkiesingskonferensie moet verandering aanbring.
“Die land word deur verskeie krisisse in die gesig gestaar.”
Hy het gesê Suid-Afrika benodig verandering om armoede, werkloosheid en ongelykheid te beveg.
Volg Nuus24 op Twitter
- SAPA
