Motlanthe: SA nog in duister oor benoeming
2012-12-10 13:21
Johannesburg – Dit is steeds nie bekend of adj.pres. Kgalema Motlanthe ‘n benoeming om die ANC te lei, aanvaar het nie.
Die voortslepende onduidelikheid kom enkele dae voor die party se verkiesingskongres in Mangaung afskop.
Jackson Mthembu, woordvoerder van die ANC, sê dit sal by die konferensie, wat Sondag begin, bekendgemaak word.
“Almal wat kwalifiseer; hulle word deur die verkiesingskommissie genader en gevra of hulle dit aanvaar of verwerp. Hierdie gebeur tussen nou en die konferensie.”
Mthembu sê die party weet nie eers wie benoemings tot dusver aanvaar het nie.
KwaZulu-Natal, die Vrystaat, die Noord-Kaap, die Oos-Kaap, die Noordwes en Mpumalanga het pres. Jacob Zuma gekies om ‘n tweede termyn te dien.
Motlanthe geniet die steun van Gauteng, Limpopo, die Wes-Kaap en die ANC se jeugliga.
Volg Nuus24 op Twitter
- SAPA
