Motata appelleer teen regterlike tribunaal

2012-02-27 11:00

Johannesburg – Regter Nkola Motata, wat aan dronkbestuur skuldig bevind is, het ‘n beroep op die howe gedoen om Jeff Radebe, minister van justisie, te keer om ‘n regterlike gedragstribunaal aan te stel om die regter te ondersoek, het ‘n koerant berig.

Motata, wat in 2009 skuldig bevind is, wil die hof oorreed om ‘n ondersoek na sy gedrag, as ongrondwetlik en onwettig te verklaar, het The Sowetan berig.

Die dokumente is Vrydag by die Pretoriase hooggeregshof ingedien.

Motata beweer daar is geen bepaling in die grondwet wat toelaat dat die Regterlike Dienskommissie (RDK) mag besluit wat wangedrag behels nie.

Die RDK het gesê Motata se aansoek het geen meriete nie en hou vol dat die kommissie die gesag het om aanklagte van wangedrag te ondersoek.

Motata appelleer om sy posisie as hooggeregsregter terug te kry.

Hy is in 2010 op spesiale verlof geplaas hangende ‘n appèl teen sy skuldbevinding.

Volg Nuus24 op Twitter

- SAPA