Mosambieker vermoor oor R100
2012-01-30 20:57
Johannesburg – ‘n Mosambieker is deur ‘n landgenoot vermoor in ‘n argument oor R100 in Ga-Phahla naby Marble Hall, het die polisie in Mpumalanga Maandag gesê.
‘n Vier-en-veertig-jarige man het sy landgenoot Sondag omstreeks 15:00 in sy gehuurde kamer besoek, het konst. Busi Mtshweni gesê.
Terwyl hulle saam gedrink het, het die 30-jarige man gevra vir R100 wat sy besoeker aan hom geskuld het. ‘n Argument het tussen die twee ontstaan.
“Die ouer man het ‘n mes uitgehaal en sy landgenoot twee maal gesteek.”
Hy is op die toneel dood verklaar. Die polisie het die ouer man ‘n paar uur later in dieselfde dorp in hegtenis geneem.
Hy sal na verwagting Dinsdag in die Mdutjana-landdroshof verskyn op aanklag van moord.
- Volg Nuus24 op Twitter
- SAPA