Mosambiek-vliegtuig: Geen oorlewendes

2012-11-20 12:47

Kaapstad – Die vermiste vliegtuig met twee Suid-Afrikaners aan boord, is gevind, maar niemand het die ongeluk oorleef nie.

Mandy Wiener van EWN sê die gesin van Bryan Simms (60) en sy seun, Robert (22), is ingelig dat die wrak van hul Beechcraft Baron in Mosambiek gevind is, maar nie een van hulle het die neerstorting oorleef nie. 

Die pa en seun het aan die begin van die maand soek geraak toe hulle van Uganda na Lanseria-lughawe op pad was.

Geen verdere inligting is op die oomblik bekend nie.

Volg Nuus24 op Twitter