Moratorium op plaasbesettings in Zim gevra
2011-09-07 12:17
Kaapstad – ’n Moratorium op alle plaasbesettings in Zimbabwe en die vervolging van boere word dringend deur die Commercial Farmers’ Union (CFU) aangevra.
Luidens ’n verklaring volg dié versoek ná ’n boer verlede week in ’n vermeende rooftog op sy plaas wreed vermoor is.
“Ons versoek dat ’n moratorium op alle uitsettings en vervolgings geplaas word, sodat die paar kommersiële boere wat nog op hul plase kan wees in vertroue saam met hul finansiële vennote kan boer terwyl oplossings gevind word,” lui die verklaring.
Teikens
Die organisasie sê hulle het ná die voorval verlede Vrydag ’n kennisgewing aan al hul lede gestuur om hulle te waarsku teen enige verdagte optrede en mense op hul plase.
– Lees meer by Landbou.com
– Volg Nuus24 op Twitter