Moord in Noordwes: Tiener se tong, niere verwyder

2012-11-14 17:57

Johannesburg – 'n Tiener is naby Brits in die Noordwes vermoor terwyl sy kopvel en van sy liggaamsdele verwyder is, het die polisie gesê.

Neo Ramaswe (13) se vel is van sy kop getrek en sy keel, tong en niere is verwyder,het kaptein Amanda Funani gesê.

Die motief vir die moord is nog nie bekend nie, maar volgens gemeenskapslede hou dit verband met moeti.

Ramaswe se liggaam is Sondag deur 'n verbyganger in 'n oop stuk veld ontdek, maar die polisie het die inligting eers Woensdag aan die media deurgegee.

"Hy is laas deur sy vriende gesien [verlede Donderdag]...toe hy sokker gespeel het," het Funani gesê.

Die polisie is opsoek na twee verdagtes wat saam met die slagoffer opgemerk is.

'n Saak van moord word ondersoek.

Volg Nuus24 op Twitter.