Moord-databasis vir Wes-Kaap beplan

2013-02-25 17:45

Kaapstad – Helen Zille, premier van die Wes-Kaap, het gesê haar regering is besig om 'n databasis saam te stel van provinsiale moordstatistieke deur die Suid-Afrikaanse polisiediens se statistieke te vergelyk met die inligting van lykhuise, berig die Cape Argus.

Zille het tydens haar provinsiale rede gesê die databasis sal die regering in staat stel om in "reële tyd" met statistieke te werk eerder as die "retrospektiewe" statistieke wat jaarliks deur die polisie vrygestel word.

"Ons databasis sal ons in staat stel om te fokus op die misdaadsyfer in spesifieke gebiede, en sodoede sal ons beter kan reageer op plaaslike veiligheidsbehoeftes," het Zille gesê.

Die eerste "skadu"-misdaadverslag is in September verlede jaar vrygestel en die provinsiale regering beplan om die verslag elke ses maande vry te stel. Zille het gesê die doel is om kwartaalverslae te hê.

– Lees meer hier

– Volg Nuus24 op Twitter