Moontlike dissiplinêre stappe ná babas sterf
2010-07-24 02:07
Johannesburg – Nomvula Mokonvane, premier van Gauteng het besluit om bewerings van nalatigheid te ondersoek ná die dood van ses babas by die Charlotte Maxexe Akademiese Hospitaal in Johannesburg.
Die provinsie se ministerie van gesondheid het vroeër gesê dit was niemand se skuld nie. Maar die ondersoek volg nadat die ouers van die babas klagtes ingedien het.
Volgens hulle is die babas wat diarree gehad en opgebring het, nie skoon gehou nie. Die verpleegsters het die ouers blykbaar ook nie op hoogte gehou met die babas se toestand nie.
Geen vergoeding is nog aan die families aangebied nie, maar indien die ouers besluit om te eis sal die departement van hul samewerking gee, het Mokonyane gesê.
- Volg Nuus24 op Twitter.
- SAPA