Molefe hoof van nuus by die SAUK
2010-09-07 19:27
Johannesburg – Die SAUK-raad het vir Phil Molefe as die groep-uitvoerende beampte vir nuus en aktuele sake aangestel.
Volgens die verslag, wat op die SAUK se webblad gepubliseer is, het sekere raadslede dié aanstelling vir maande lank teengestaan.
Weerstand teen Molefe se aanstelling is blykbaar gely deur die adjunk voorsitter, Felang Sekha.
Sekha meld egter sy volle ondersteuning en vertroue in Molefe sowel as die verkiesingsproses op die SAUK se webblad.
Die aanstelling kom ná ‘n vergadering tussen die raad en die voorsitter van die SAUK, Ben Ngubane, wat Maandagaand plaasgevind het.
“Die direksie van die SAUK is bly om die aanstelling van Phil Molefe as groep-uitvoerende beampte vir nuus en aktuele sake aan te kondig,” het Sekha gesê.
“Die raad is verheug dat die verkiesingsproses afgehandel is en het die volste vertroue in Molefe en sy span.”
Volg Nuus24 op Twitter.
- SAPA