Modimolle-aanvallers bly in aanhouding
2012-01-16 14:04
Johannesburg – Die saak waarin twee mans daarvan beskuldig word dat hulle ‘n vrou in Modimolle verkrag en aangerand het, is Maandagoggend uitgestel, het die polisie in Limpopo gesê.
Mmapuru Peter Mohlako (34) en Andries Paparona Sithole (42) het in die Modimolle-landdroshof verskyn en die saak is tot 10 Februarie uitgestel, het lt.kol. Ronel Otto gesê.
Hulle sal dan saam met hul medebeskuldigdes, Sello Frans Mphaka (38) en Johan Kotzé (50), verskyn.
Al vier verdagtes sal in aanhouding bly.
Kotzé het op 4 Januarie die drie mans na bewering met ‘n vuurwapen gedreig om sy vervreemde vrou, Ina Bonnette, te verkrag. Hy het ook glo die vrou se 19-jarige seun, Conrad, doodgeskiet.
Volg Nuus24 op Twitter
- SAPA