Vyf verskyn oor mishandeling
2013-01-12 11:48
Johannesburg – Vyf mense wat na bewering kinders by 'n inisiasie-skool in Hartswater in die Noord-Kaap mishandel het, sal op 23 Januarie om borgtog aansoek doen, het die Saturday Star berig.
Ellen Mogwara, 30, Lorraine Molale, 22, Keadimilwe Gopane, 27, Keikantsemang Molale, 19, en John Vis het hierdie week in die Hartswater-landdroshof verskyn.
Hulle staan tereg op aanklagte van moord en aanranding ná 'n vrou tydens 'n inisiasie-program by die skool dood is.
Nege minderjariges sal apart op dieselfde aanklagte tereg staan, het die koerant berig.
Gabaediwe Motsage, 22, is dood ná sy na bewering met klippe gegooi en met kole gebrand is.
Die polisie het met 'n besoek aan die skool ander vroue bevry wat nie kon eet, praat of loop nie, het die koerant berig.
Die skool is verlede week gesluit. Lede van die gemeenskap het beweer dat kinders ontvoer is en by die skool aangehou is.
– Volg Nuus24 op Twitter.
- SAPA
