Misdaadstatistiek: Moorde neem af
2011-09-08 11:15
Kaapstad – Nathi Mthethwa, minister van polisie, het Donderdag by die bekendmaking van die misdaadstatistiek by die Sheraton-hotel in Pretoria gesê misdaadbekamping is belangrik vir die regering.
Hy het gesê seksuele misdade bly 'n groot uitdaging en is bekommerd oor die statistiek van verkragtings wat steeds te hoog is.
Verkragtings het in 2010/2011 van 55 097 tot 56 272 toegeneem.
Roof met verswarende omstandighede het met 12% afgeneem, terwyl kontakmisdaad met 6,9% afgeneem het.
Moorde het met 6,5% afgeneem en staan op 15 940.
Verlede jaar se statistieke het die grootste afname in die moordsyfer sedert 1995 getoon. Die moordsyfer was minder as 17 000.
In die jaar 1995-’96 is 26 877 mense vermoor, het Mthethwa gesê.
Vir die jaar wat in Maart 2009 geëindig het, was daar 18 148 moorde.
Verlede jaar het die syfer vir poging tot moord met 6,1% gedaal. Die getal seksuele misdade het met 4,4% gedaal. 'n Totaal van 26 311 is in hegtenis geneem in verband met seksuele misdade.
Die aantal transitorooftogte het verlede jaar met 7,3% afgeneem, bankrooftogte het met 8,8% toegeneem, terwyl motor- en vragmotorkapings met 6,8% afgeneem het.
– Volg Nuus24 op Twitter
– Neem deel aan ons meningspeiling hieronder, of stuur jou opinie oor misdaad in Suid-Afrika na terugvoer@nuus24.com.
- Nuus24
