Minister se vrou hoor Vrydag oor borg
2010-02-02 10:39
Johannesburg - 'n Borgtogaansoek sal na verwagting Dinsdag by die Pietermaritzburg-hooggeregshof ingedien word vir Sheryl Cwele, die vrou van die minister van staatsveiligeid en sekuriteit.
"Ons sal die borgtogaansoek vroeg Dinsdagoggend indien en die staat Donderdag. Die staat en die verdediging sal dan dokumente uitruil," het Cwele se regsverteenwoordiger, Mvuseni Ngubane, gesê.
Die borgverhoor sal Vrydag plaasvind.
Cwele en Frank Nabolis, 'n Nigeriër staan tereg op aanklag van die handel of sameswering om met dwelms te handel, om 'n vrou genaamd Charmaine Moss te kry om die dwelms in Turkye af te haal en om nog 'n vrou (Tessa Beetge) te kry om 9 kg kokaïen vanaf Suid-Amerika te smokkel.
Beetge is op 13 Junie 2008 in Sao Paulo in hegtenis geneem.
Die polisie het 9,2 kg kokaïen in haar bagasie gevind. Sy dien agt jaar tronkstraf uit vir dwelmhandel.
Volgens Ngubane het Cwele se borgverhoor weens logistieke probleme nie verlede Vrydag plaasgevind nie.
– Sapa