Minister glo op maand verlof weens stres

2012-09-25 17:30

Kaapstad – Bewerings doen die ronde dat Tina Joemat-Pettersson, die minister van landbou, bosbou en visserye weens stres vir ’n maand siekverlof het, berig Landbou.com.

“Sy is deur haar dokter vir brongitis afgeboek en herstel tuis tot sy gesond genoeg is om terug te gaan werk toe,” het Palesa Mokomele, woordvoerder vir Joemat-Pettersson, gesê in reaksie op ’n verklaring van die Demokratiese Alliansie dat die minister ’n maand “stresverlof” geneem het.

Luidens ’n verklaring sê Annette Steyn, verteenwoordiger vir die DA, hulle meen dat die Minister se siekverlof moet uitloop op ’n eerbare bedanking.

Sy het verwys na verskeie personeelskuiwe en skorsings in die departement, wat die party bekommer.

Verder meen die party die minister is nie geskik vir die pos nie en dat sy die departement die afgelope drie jaar stelselmatig afgebreek het.

– Lees meer hier.

– Volg Nuus24 op Twitter