Minister: Bendes hoort nie in skole
2009-09-16 19:23
Johannesburg - Die Wes-Kaapse LUR vir onderwys, Donald Grant het die jongste voorval van geweld in skole ten sterkste veroordeel en sê bendes hoort nie in die land se skole nie.
Dít volg nadat twee gr.9-leerders Dinsdag by die Arcadia Sekondêre Skool in Bonteheuwel op die Kaapse Vlakte deur twee gr.8-leerders met 'n mes en 'n pen gesteek is.
Die voorval is glo bendeverwant.
Die twee gr.8 leerders is kort daarna is hegtenis geneem en het Woensdag in die Bishop Lavis-landdroshof verskyn. Hulle is in die sorg van hul ouers vrygelaat.
"Die inwoners van Bonteheuwel moet die skool terugneem," het Grant gesê ná berigte van bendelede wat deur die skool beweeg.
"Bendes is 'n plaag in die samelewing en as ons nie ingryp nie, sal voorvalle soos dié aanhou om te gebeur. Dié skool het 'n geskiedenis van geweld ten spyte van sekerheidsmaatreëls en mediasieprogramme wat in plek gestel is."
Hy het gesê daar moet na nuwe maniere gekyk word om veiligheid by dié skool aan te spreek.
– Sapa