Mini-jaagtog: Slagoffers steeds kritiek
2010-03-09 22:40
Johannesburg – Die twee tieners wat in die hospitaal opgeneem is nadat ‘n motor wat in Soweto resies gejaag het in hulle vasgejaag het, was Dinsdag steeds in ‘n ernstige toestand, het die Gautengse departement van gesondheid gesê.
Woordvoerder Mandla Sidu het berigte dat een van die kinders gesterf het ontken en het gesê dat hulle nog lewendig was in die Chris Hani Baragwanath-hospitaal.
‘n Grys Mini Cooper en ’n bloue het volgens insp. Kay Makhubela, polisiewoordvoerder, Maandag omstreeks 16:00 in Mdlalosestraat tussen Protea North en Protea Glen resies gejaag.
“Dit is ’n tweerigtingstraat en een van die motors het in die baan van aankomende verkeer gery sodat hulle parallel aan mekaar beweeg het,” het insp. Edna Mamonyane, Johannesburg se metropolisiewoordvoerder, gesê.
Toe ’n motor van voor af kom, het die een Mini na die ander baan teruggeswenk.
Die blou motor het die gryse glo gestamp en dit het gerol, het Makhubela gesê.
Vier seuns, tussen 17 en 19 jaar oud, het saam met vriende op die sypaadjie geloop toe die motors hulle tref. Die vier is op die toneel dood.
Van hul vriende is met ernstige beserings, waaronder veelvuldige frakture en kopbeserings, hospitaal toe geneem.
- Sapa