Miljoene vir onderwystoelae droog op
2011-09-20 10:21
Johannesburg – 'n Regeringsprogram wat meer as 'n halfmiljardrand werd is en onderwysers in openbare skole van skootrekenaars sou voorsien, se geld is op.
Die R550 miljoen wat in die 2009/2010 finansiële jaar vir die nege provinsies toegeken is, is gebruik om onderwysers se salarisse te betaal, berig The New Age.
"Weens die vertraging met die implentering, is die geld, wat aanvanklik toegeken is vir onderwysers se skootrekenaar toelae, gebruik om ander finansiële probleme en die jaarlikse verbetering van salarisse te dek, het Panyaza Lesufi, kommunikasiehoof van die departement van basiese onderwys, gesê.
– Volg Nuus24 op Twitter
- SAPA