Mighty Men, maar sonder Angus

2011-02-03 09:30

Neels Jackson

Johannesburg - Gautengers kry aanstaande maand hul eie Mighty Men-saamtrek – by die Vaaldam, maar sonder Angus Buchan.

Buchan het by verlede jaar se saamtrek gesê dit sal die laaste een op die plaas Shalom buite Greytown wees.

Hy het mans aangemoedig om self verdere saamtrekke te reël.

Die Mighty Men by die Vaaldam is ’n gevolg daarvan.

Buchan het by navraag gesê hy is bewus van die saamtrek.

Hy kan nie self daar wees nie omdat hy by ’n Mighty Men-saamtrek in die Karoo preek, maar dit het sy goedkeuring.

Die Mighty Men by die Vaaldam word op 18 tot 20 Maart gehou met die oud-snelbouler Peter Pollock as die hoofspreker.