Metrorail-wag by Kaapstadse stasie aangeval

2012-06-19 10:30

Kaapstad – Metrorail sê onwettige handelaars het ‘n sekuriteitswag en drie werknemers van die beskermingsdienste by die treinstasie in die Kaapstadse middestad aangeval.

Bush Radio het Dinsdag berig dié voorval het verlede week plaasgevind.

Mthuthuzeli Swartz, streeksbestuurder van Metrorail, sê die voorval is betreurenswaardig omdat handelaars weet dat hulle nie op die platforms mag handel dryf nie.

Swartz sê die handelaars wou nie stasie verlaat nie en het een van die sekuriteitswagte gesteek.

Geen verdere inligting is verskaf nie.

Volg Nuus24 op Twitter