Metropolisielede deur jaer beseer
2010-09-18 05:37
Twee metropolisielede is Saterdagoggend beseer toe hulle deur ‘n motor getref is op die toneel waar hulle na ‘n ander ongeluk omgesien het, het paramedici in Durban gesê.
Die beamptes was aan’t werk by die ongelukstoneel in Umngenilaan, waar ‘n minibus-taxi omgekeer het, toe hulle deur ‘n ander motor getref is, het Chris Botha, woordvoerder van Netcare 911, gesê.
Een persoon is in die taxi-ongeluk beseer.
Die pad was gesluit vir verkeer, maar ‘n motor wat na bewering die spoedgrens oortree het, het in ‘n polisiemotor vasgery.
Die bestuurder het toe beheer oor die motor verloor en die motor het die twee verkeersbeamptes getref.
‘n Vroulike beampte is kritiek beseer en haar manlike kollega is ernstig beseer.
Die bestuurder van die motor het geen beserings opgedoen nie en is later in hegtenis geneem.
- SAPA