Metro-beampte in Pta vermoor
2010-08-27 05:32
Pretoria - 'n Lid van die Tshwane-metropolisie is dood ná hy Vrydag in die vroeë oggendure deur 'n onbekende lid van die publiek in Pretoria aangerand is, het paramedici gesê.
Die voorval het omstreeks 03:00 plaasgevind.
Besonderhede van die vermeende aanranding is nog onduidelik, maar paramedici het die kritiek beseerde man in die middel van Schoemanstraat gevind, het Chris Botha, 'n woordvoerder van Netcare, gesê.
Die beampte het oomblikke later aan sy beserings beswyk.
- SAPA