Meisie verdrink amper in swembad

2009-11-30 01:01

Richards Baai - ‘n Tien-jarige meisie  het amper verdrink na sy in ‘n swembad by die Richards Baai Skuba Klub ingeval het.

Volgens Jeff Wicks, ‘n Netcare 911 woordvoerder, het sy om die swembad gehardloop en toe ingespring.

“Ons vermoed sy’t water ingeasem soos sy ingespring het,” het Wicks gesê.

“Sy het haar bewussyn verloor.”

Volwassenes wat toesig gehou het by die swembad het haar in die water sien lê en haar gered.

Hulle het vir haar mond-tot-mond asemhaling langs die swembad gegee.

Reddingswerkers het opgedaag en haar weer bygebring.

Sy is hospitaal toe geneem en alhoewel haar toestand ernstig is, is sy stabiel.

- Sapa