Meisie sterf in ongeluk ná matriekafskeid

2012-09-15 08:32

Kaapstad – ‘n Tienermeisie is dood en 13 ander jong mense het beserings opgedoen nadat die taxi waarin hulle gery het, gerol en teen ‘n muur gebots het, het paramedici gesê.

Derrick Banks van ER24 het in ‘n verklaring gesê die ongeluk het vroegoggend in Hanover, KwaZulu-Natal, plaasgevind.

Hy sê ER24 en ander nooddienspersoneellede van Pietermaritzburg is na die toneel ontbied.

Die taxi was erg beskadig en die meeste van die tieners het buite die voertuig gelê toe reddingsbeamptes by die toneel opgedaag het.

Een van die tieners – ‘n meisie – het reeds aan haar beserings beswyk en is op die toneel dood verklaar.

Die ander pasiënte is vir verskeie beserings soos moontlike nek- en rugbeserings, snywonde en skaafplekke behandel. Hulle is op die toneel gestabiliseer en na verskeie hospitale in die Pietermaritzburg-gebied vir verdere mediese behandeling geneem.

Dit blyk dat die tieners ná hul matriekafskeid op pad huis toe was toe die bestuurder vermoedelik beheer verloor het.

Banks sê die polisie sal die ongeluk verder ondersoek.

Volg Nuus24 op Twitter    

- Nuus24