Meisie se lyk gevind ná ma haar glo in dam gooi

2012-09-24 22:22

Johannesburg – Die lyk van die agtjarige meisie wat glo Maandag deur haar ma verdrink is, is gevind, het die polisie in die Noordwes gesê.

Die meisie se lyk is omstreeks 14:45 deur polisieduikers gevind, het sers. Kelebogile Moiloa in ‘n verklaring gesê.

“’n Twee-en-dertigjarige vrou is vanoggend [Maandagoggend] omstreeks 09:00 in hegtenis geneem nadat sy glo probeer het om haarself en haar twee dogters te verdrink deur hulle in ‘n dam in die Tontonyane-nedersetting in Mmabatho te gooi.”

Die polisie vermoed die vrou het tussen 08:00 en 09:00 na die dam gegaan, haar agtjarige ingegooi en toe saam met haar vierjarige dogter ingespring.

“Die polisie is na die toneel ontbied en kon daarin slaag om die vrou en haar vierjarige kind te red,” het Moiloa gesê.

‘n Saak van moord en poging tot moord word ondersoek.

– Volg Nuus24 op Twitter

 

- SAPA