Meisie in een aand deur sewe mans verkrag
2010-12-20 19:34
Johannesburg – ‘n Sestienjarige meisie is Vrydagaand in twee aparte voorvalle deur sewe mans in Ivory Park verkrag, het polisie in Gauteng gesê.
Volgens kons. Neldah Hlase was die meisie in die vroeë oggendure op pad huis toe ná ‘n partytjie in Uitbreiding 7, toe twee mans haar genader het. Hulle het haar gesig met ‘n t-hemp bedek en haar na ‘n brug in die omgewing geneem.
“Toe hulle daar aankom het hulle haar met ‘n mes gedreig en beide het haar glo sonder beskerming verkrag, waarna hulle van die toneel gevlug het.”
Die meisie het besluit om huis toe te stap na die voorval, maar op pad het sy op vier mans afgekom wat besig was om ‘n ander man aan te rand, het Hlase gesê.
Hulle het haar glo saam met die man wat hulle aangerand het vasgebind.
En toe verkrag en weggehardloop. Hulle het haar vasgebind aan die man gelaat.
Ná ‘n paar minute het een van die verkragters teruggekeer en die twee losgemaak.
“Hy het teruggekeer, hulle losgemaak en vir hulle gesê dat sy vriende beplan om hulle te vermoor.”
Polisie in Ivory Park het ‘n beroep op jongmense, veral meisies, gedoen om baie versigtig te wees tydens die feesseisoen, het Hlase gesê.
Hy het bygevoeg dat minstens ses gevalle van verkragting in die laaste naweek aangemeld is en dat al die slagoffers tussen 16 en 20 jaar oud was en op pad was huis toe nadat hulle by sjebeens of partytjies was.
Volg Nuus24 op Twitter
- SAPA