Meisie 'geskok' ná ontvoering

2012-12-06 13:24

Johannesburg – ‘n Sewejarige meisie wat by die Waterkloof-laerskool in Pretoria ontvoer is, is in Mpumalanga gevind, het die polisie gesê.

“Die klein meisie was ongedeerd, maar hewig deur die traumatiese ondervinding geskok,” het ao. Annabel Middleton gesê.

Sy sê die meisie is saam met haar biologiese pa, Ray Pahlo (42), by ‘n gastehuis in Lydenburg gevind.

“Mnr. Pahlo is deur ‘n vrou in haar dertigs vergesel, wat ‘n Amerikaanse aksent gehad het. Beide Pahlo en die vrou is in hegtenis geneem...”

Die kind is Woensdagoggend ontvoer toe haar pleegma haar by die skool afgelaai het.

Vier mans het hulle as polisiebeamptes voorgedoen en die vrou gedwing om uit die motor te klim en haar hande met kabelbinders vasgemaak. Hulle is later aangekeer.

Die kind se pa het haar toe gegryp en weggery.

Al die verdagtes sal eersdaags in die hof verskyn.

Volg Nuus24 op Twitter  

- SAPA