Meisie (12) op pad skool toe ontvoer

2013-02-11 13:26

Johannesburg – 'n Twaalfjarige meisie is op pad skool toe in die Thoboshane-nedersetting naby Butterworth in die Oos-Kaap ontvoer, het die polisie Maandag gesê.

Kapt. Jackson Manatha het gesê Zimkhitha Zibi is laas op 7 Februarie saam met haar 62-jarige ouma gesien toe sy op pad skool toe was. Sy het nooit teruggekeer huis toe nie.

Sy is op 8 Februarie by die Butterworth-polisiekantoor as vermis aangemeld.

Manatha het gesê 'n dossier is Sondag geopen nadat dit aan die lig gekom het dat die meisie se oom haar na bewering ontvoer het.

"Niemand is in hegtenis geneem nie en die polisie is op soek na 'n man, slegs bekend as Plas White, om hulle in die ondersoek te help."

– Volg Nuus24 op Twitter

- SAPA